Сот алқасының шешімімен 358 іс татуласу ісімен аяқталды

Қылмыстық істерді қарау сапасы 2023 жылмен салыстырғанда 1,7 пайызға жақсарған. Өткен жылы аппеляция, кассация сатысында күші жойылып, өзгертілгендер 4,9 пайызды құрайды, республикалық көрсеткіш – 5,9 пайыз болатын болса, 2023 жылы апелляция, кассация сатысында күші жойылып, өзгертілгендер 6,6 пайызды құраған. Ақтау үкімдеріне тоқтала кетсек. 2023 жылы 9 ақтау үкімі болды. 2024 жылы ақтау үкімі 5 адамды құрап отыр. Яғни, ақтау үкімінің біршама азайғанын айтуға негіз бар,- деді Жанат Сақыбайұлы.

– Дау мұраты – біту. Алайда, сотқа келген тараптар өзара ымыраға келіп, дауды татуластыру жолымен аяқтауға онша ынта таныта қоймайды. Мұның өздері үшін де тиімсіз екенін түсіну қажет. Себебі, сот шешімінің орындалу барысында қиындықтар кездеседі, тіптен орындалмай қалуы да мүмкін. Өзгерістер де орын алуы ғажап емес. 2025 жылдың 1 шілдесінен бастап, елордада үш дербес кассациялық сот жұмыс істейді. Азаматтық істерді қарайтын кассациялық сотқа сот шешімі заңды күшіне енген соң алты ай ішінде кассациялық шағым беріледі. Кассациялық соттарда 2027 жылдың 1 шілдесінедейін жеке тұлғалар үшін талап қою сомасы 2000есептік көрсеткішке дейінгі, заңды тұлғалар үшін 30000 айлық есептік көрсеткішке дейінгі істер қаралады. 2027 жылдың 1 шілдесінен бастап бұл ерекшеліктер алынып тасталып, азаматтық істердің барлығы кассациялық соттарда қарауға жатады,- деді Светлана Нағашыбайқызы.

– Әкімшілік істер жөніндегі сот алқасының жұмыстарын баяндап берсем. Қазіргі кезде істер жылдан-жылға көбейіп жатыр. Басым бөлігі жер даулары мен мемлекеттік сатып алуға қатысты істер. Өздеріңіз білесіздер, ӘРПК-ның басты миссиясы – билік органдарымен дау-дамайда әлсіз тарапты қорғау, әкімшілік органдардың қызметін тәртіпке салу. Осыған сәйкес, азаматтар мен бизнес өкілдерінің пайдасына шығарылған шешімдердің көбейгенін көруге болады.