АРТСПОРТ: О ДҮНИЕЛІК БАЛАНЫ ТАЭКВОНДОҒА ТІРКЕГЕН

paparaci.kz Қызылорда облысында артспорт төңірегінде шикілік тыйылар емес. Аймақта кейбір спорт секциялары мен шығармашылық үйірме жетекшілері жалған құжат әзірлеп, мемлекет қаржысын заңсыз иемденіп келген, деп хабарлайды paparaci.kz ақпараттық агенттігі.

       Соңғы үш жылда Сыр өңірінде жасөспірімдерді шығармашылығын дамыту мен түрлі спортқа баулуға мемлекеттік тапсырыс негізінде 11,6 млрд. теңге бөлінген. Алайда, пайда табуды көздеген кәсіпкерлер балалардың түр-түсіне, өлі-тірісіне қарамай, үйірмеге қатысушылардың тізіміне қосқан. Нәтижесінде артспорт ұйымдары мемлекетке – 530 млн. теңге залал келтірген. Ең сорақысы, Жалағаш ауданында о дүниелік баланы таэквондоға, тірек-қимыл жүйесі бұзылған баланы би үйірмесіне тіркеу дерегі әшкере болды.
Қадағалаушы орган сондай-ақ, облыстық мәдениет басқармасы, спорт және туризм басқармалары тарапынан тапсырыс орындаушыларға бақылау болмағанын алға тартты. Бұл өз кезегінде бюджет қаржысын жымқыруға әкеп соқтырған.
Облыс прокуроры Ризабек Ожаровтың айтуынша, бүгінге дейін 30-дан астам кәсіпкер заңсыз әрекетін мойындап, өз еркімен мемлекет есебіне 91 млн. теңге қайтарған.