БАҚЫЛАУ БЕЙНЕКАМЕРАЛАРЫ КӨБЕЙДІ!

       Кез-келген жерге қоқыс тастаймын деп айыппұл арқалап қалмаңыз! Елімізде экологиялық жағдайды бақылау мақсатында бейнекамералар тиімді қолданылуда. Көшедегі бейнекамералардың көмегімен жыл басынан бері экологиялық заңнаманы бұзудың 7 мыңға жуық дерегі анықталған.

    Еліміз бойынша 6813 құқық бұзушы әкімшілік жауапкершілікке тартылды. Астана қаласында 15 құқық бұзушылық анықталды. 12 адам әкімшілік жауапкершілікке тартылған. Жылдан жылға бақылау күшейіп, қазіргі таңда Астанада 207 мың бейнекамера жұмыс істейді, оның 36 мыңы жедел басқару орталығына қосылған.

      Камералар саны өткен жылмен салыстырғанда екі мыңға артық. Бұл өз кезегінде  қаланың қауіпсіздік жүйесін жақсартуға және экологиялық жағдайды бақылаудың тиімділігін арттыруға септігін тигізуде.