БАНК КАРТАЛАРЫН ШЫҒАРУҒА ШЕКТЕУ ЕНГІЗІЛЕДІ

    Қазақстанда банк карталарын шығару ережелеріне өзгерістер енгізіледі. Тиісті қаулы жобасын Қаржы нарығын реттеу және дамыту агенттігі  жариялады.

          Енді 18-21 жас аралығындағы қазақстандықтарға төлем карталарын онлайн шығаруға немесе қайта шығаруға тыйым салынбақ. Жаңа картаны алу үшін олар банк бөлімшесіне баруы тиіс. Мұнан бөлек, банктерге 21 жасқа толмаған жастармен қашықтан іскерлік қарым-қатынас орнатуға тыйым салынбақ.

         Жоба әзірлеушілердің айтуынша, бұл шаралар клиенттерді алаяқтықтан қорғау үшін қажет.