Білім бөлімінің басшысы пара алып тұтылды

Қызылорда облысы бойынша сыбайлас жемқорлыққа қарсы қызметінің хабарлауынша, Қызылорда қаласы білім бөлімінің басшысы 1 миллион теңге пара алып, күдікке ілінді, деп хабарлайды paparaci.kz ақпараттық агенттігі.

Лауазымды тұлға мектептердің біріне педагог ретінде жұмысқа орналастыруға ықпал ету үшін қала тұрғынынан пара сұраған. Заңсыз әрекеті құзырлы органмен әшкереленіп, қазір сотқа дейінгі тергеп-тексеру жұмыстары жүргізілуде. Қылмыстық процестік кодекстің 201-бабының талаптарына сәйкес, өзге ақпараттар жариялануға жатпайды.
Күдікті соттың үкімі заңды күшіне енгенге дейін кінәсіз болып саналады.