ЕНДІ ЖЕКЕ КУӘЛІКТІ ОНЛАЙН ФОРМАТТА РӘСІМДЕУГЕ БОЛАДЫ

     Сәуірдің соңына дейін жеке куәлікті ауыстыру процесі толығымен онлайн форматқа көшіріледі. Енді фотосуреттің талаптарға сәйкестігін маман емес, жасанды интеллект бағалайды.

        Сұранысқа ие  қызметтердің бірі — жеке куәлік ауыстыру. Бұған көпшілік біраз уақытын жұмсайды. Суретке түседі, ұзақ кезекке тұрады.

    Айдың соңына дейін бұл процесс толығымен онлайн форматқа көшіріледі. Процесс сынақтан сәтті өтті. Фотосуреттің талаптарға сәйкестігін маманның орнына AI-модель бағалайтын болады. Жүйе қарапайым сатыдан тұрады: идентификациядан өту, фото мен қолтаңбаны жүктеу, онлайн төлем жасау және құжаттың дайын екені туралы SMS күту.

       Мамандар аталған сервис шамамен 1 миллион адамның халыққа қызмет көрсету орталығына бару қажеттілігін жоятынын алға тартады.