Ұлттық киім ұлықталған шара

Наурызнама онкүндігіне орай, Қызылордада «Көшпенділер әлемі» этно киімдер фестивалі өтті. Шара 18 наурыз – Ұлттық киім күніне орай ұйымдастырылды,  деп хабарлайды paparaci.kz ақпараттық агенттігі.

Фестивальге ұлттық құндылықтарымыз бен мәдени мұраны насихаттап жүрген жергілікті дизайнерлер мен тігіншілер қатысты. Мақсат – ұлттық брендтерді дамытуға қолдау көрсету, ұмыт болған киім үлгілерін қайта жаңғырту. Талантты дизайнерлердің тамаша туындыларында ұлттық ою-өрнегіміз, салт-дәстүрңмңз бен таным-тарихымыздың ізі жатыр. Көрмеде ісмерлердің өнімдері сатылымға шықты.

Фестивальде Сыр өнерпаздары әннен шашу шашты. Шара соңында облыстық мәдениет, архивтер және құжаттама басқармасының басшысы М.Қазбекова жиналғандарды мерекемен құттықтап, қатысушыларға алғыс білдірді.