Азиада-2026: Қоржын қос қоламен толықты
Жапонияның Аичи префектурасы мен Нагоя қаласында өтіп жатқан жазғы Азия ойындарында бокстан жартылай финалдық жекпе-жектер өтіп жатыр, деп хабарлайды ҚР Туризм және спорт министрлігі Спортты дамыту дирекциясының баспасөз қызметі.
Әлем чемпионы, 75 келідегі Наталья Богданова 1/2 финалда Үндістан спортшысы Боргохайнмен айқасты. Қос боксшы да шаршы алаңның ортасын бермеуге тырысып, 3 раунд бойы соққылармен алмасты. Нәтижесінде төрешілер 2:3 есебімен жеңісті қарсыласқа берді. Сондай-ақ Алуа Балқыбаева да байрақты бәсекеде ел қоржынына қола жұлдені салды. Аталған спорт бойынша алда әлі Махмұд Сабырхан (55 келі), Төрехан Сабырхан (70 келі) шаршы алаңға шығады.
