ОҚУШЫ ҚЫЗДЫ ЖЕЗӨКШЕЛІККЕ МӘЖБҮРЛЕГЕН ІСКЕ НҮКТЕ ҚОЙЫЛДЫ

        Ел ішінде қоғамдық резонанс тудырған атышулы іске бүгін нүкте қойылды. Қызылорда облысының кәмелетке толмағандар істері жөніндегі мамандандырылған ауданаралық соты 16 жасар оқушы қызды сексуалдық құлдықта ұстағандарға сот үкімін шығарды.

Сурет https://qyzyljarnews.kz/author/qyzyljarnews/ алынды

     Өрімдей қызды жезөкшелікке итермелеуге тікелей қатысы бар деген 9 айыпталушыға қатысты сот жабық процесте өтті. Сотталушыларға жаза қылмыстык кодекстің бірнеше баптары бойынша тағайындалып отыр. Оқушы қыздың абыройын төккен шулы іс күзден бері сот қарауында болды. Нақты дәлелдемелер, сараптама нәтижелері, жәбірленушінің, куәлардың, айыпталушылардың жауабы қадағалаушы орган мен фемида өкілдерінің жіті тексерісінен өтті.

        Айуандық жолмен арам ақша тауып, оқушы тәнін саудаға салғандар енді 4 жылдан 8 жылға дейін бас бостандығынан айрылады. Айып тағылғандардың төртеуі – кәмелетке толмағандар. Сот шешімімен олардың үшеуі 6 жыл 8 айға, біреуіне – 4 жыл 8 айға бас бостандығынан айыру жазасы тағайындалды. Ал екі айыпталушы 4 жыл 8 ай, үшеуі – 7 жыл 6 ай темір торда жазасын өтейтін болады.

       Айта кеткен жөн, сот үкімі заңды күшіне енген жоқ.