Президент саябағы жаңа нысандармен толығады
Қала басшысы өз сөзінде бұл нысандардың ел үшін стратегиялық маңызы бар екенін атап өтті. Оның айтуынша, балалар лагерінің құрылыс сапасы мен қауіпсіздігіне қойылатын талаптар барынша жоғары деңгейде болуы тиіс. Себебі бұл лагерь еліміздегі баламасы жоқ, бірегей демалыс орындарының біріне айналмақ. Мұнда балалар тек демалып қана қоймай, түрлі бағыттағы білім беру, шығармашылық және спорттық іс-шараларға қатысу мүмкіндігіне ие болады. Ал Ботаникалық білім беру орталығы – қысқы бақ болса, тұрғындар мен қонақтар үшін ерекше тартымды, табиғатты тануға мүмкіндік беретін маңызды нысан болмақ.
«Лагерьдің құрылыс сапасы мен қауіпсіздігін арттыру үшін қатаң талап қойылады. Өйткені бұл лагерь еліміздегі баламасы жоқ балалардың демалыс орны болады. Ботаникалық бақ та сондай сұраныстағы нысанның бірі. Сондықтан ел асыға күткен жобаларды межеленген мерзімде аяқтау керек», – деді қала әкімі Нұржан Сәбитұлы.
Айта кету керек, аталған нысандардың құрылысын Alem Qurylys AQ жауапкершілігі шектеулі серіктестігі жүргізуде. Компания құрылыс жұмыстарын сапалы әрі уақытылы аяқтауды басты міндет ретінде алып, барлық күш-жігерін осы бағытқа жұмылдыруда.
